انگلینڈ کے دورے پر بھارتی کرکٹ ٹیم کی مشکلات برقرار ہیں۔ ٹی ٹوئنٹی سیریز میں مایوس کن کارکردگی کے بعد بھارت کو ون ڈے سیریز کے دوسرے میچ میں بھی شکست کا سامنا کرنا پڑا، جس کے بعد تین میچوں کی سیریز ایک ایک سے برابر ہوگئی۔
دوسرے ایک روزہ میچ میں بھارتی بیٹنگ لائن انگلش بولرز کے سامنے زیادہ دیر نہ ٹھہر سکی۔ ویرات کوہلی، روہت شرما، شبمن گل اور دیگر اسٹار بلے بازوں پر مشتمل ٹیم مقررہ اوورز میں 233 رنز بنا کر آؤٹ ہوگئی۔
بھارت کی جانب سے شریاس ائیر نے 66 رنز کی ذمہ دارانہ اننگز کھیلی، جبکہ ویرات کوہلی نے 65 رنز بنا کر ٹیم کو سنبھالنے کی کوشش کی۔ تاہم دیگر بلے باز خاطر خواہ کارکردگی نہ دکھا سکے اور چھ بھارتی کھلاڑی ڈبل فیگر میں بھی داخل نہ ہو سکے، جس کے باعث ٹیم بڑا مجموعہ بنانے میں ناکام رہی۔
انگلینڈ کی جانب سے فاسٹ بولرز نے عمدہ بولنگ کا مظاہرہ کیا۔ جوفرا آرچر اور گس ایٹکنسن نے تین، تین وکٹیں حاصل کیں۔
انگلینڈ نے دوسرے ون ڈے میں بھارت کو شکست دے کر سیریز برابر کر دی
