گلاسگو میں جاری کامن ویلتھ گیمز میں پاکستان کے اسٹار جیولن تھرو ایتھلیٹ ارشد ندیم نے شاندار کارکردگی کا مظاہرہ کرتے ہوئے فائنل راؤنڈ کے لیے کوالیفائی کر لیا، جبکہ قومی ایتھلیٹ یاسر سلطان فائنل تک رسائی حاصل نہ کر سکے۔
تین تھروز پر مشتمل کوالیفائنگ راؤنڈ میں کوئی بھی ایتھلیٹ 84 میٹر کا مقررہ اسٹینڈرڈ مارک حاصل نہ کر سکا، جس کے باعث بہترین تھرو کی بنیاد پر ٹاپ 12 کھلاڑیوں کو فائنل کے لیے منتخب کیا گیا۔ارشد ندیم نے اپنی بہترین 78.63 میٹر کی تھرو کے ساتھ مجموعی طور پر ساتویں پوزیشن حاصل کرتے ہوئے فائنل میں جگہ بنائی۔ دوسری جانب پاکستان کے یاسر سلطان 74.36 میٹر کی تھرو کے ساتھ 14ویں نمبر پر رہے اور فائنل میں پہنچنے سے محروم رہے۔
بھارت کے نیرج چوپڑا 79.81 میٹر کی تھرو کے ساتھ پانچویں نمبر پر رہے، جبکہ بہاماس کے کیشون 78.60 میٹر، بھارت کے روہت یادیو 78.37 میٹر، یش ویر سنگھ 78.36 میٹر، ٹرینیڈاڈ اینڈ ٹوباگو کے والکوٹ 78.26 میٹر اور نائجیریا کے این نیمدی 75.27 میٹر کی تھرو کے ساتھ بھی فائنل کے لیے کوالیفائی کرنے میں کامیاب رہے۔جیولن تھرو کا فائنل مقابلہ کل کھیلا جائے گا، جہاں پاکستانی شائقین کی نظریں ارشد ندیم پر مرکوز ہوں گی اور ان سے تمغے جیتنے کی امید کی جا رہی ہے۔