دھاندلی پر احتجاج کا اعلان، حلف کے دن گلگت بلتستان میں یوم سیاہ منائیں گے، بیرسٹر گوہر

چیئرمین پی ٹی آئی بیرسٹر گوہر علی خان نے کہا ہے کہ گلگت بلتستان میں پری پول دھاندلی کی گئی، خاص منصوبے کے تحت پی ٹی آئی کو اس پورے عمل سے باہر نکالا گیا، اس وقت 70 فیصد پاکستانی پی ٹی آئی کے ساتھ ہیں،دھاندلی پر احتجاج کا اعلان، حلف کے دن گلگت بلتستان میں یوم سیاہ منائیں گے،

اسلام آباد میں نیوز کانفرنس سے خطاب کرتے ہوئے بیرسٹر گوہر علی خان نے کہا کہ اپنے من پسند لوگوں کو پارلیمان تک پہنچانا لوگوں کا حق ہے اور یہی جمہوریت ہے،ووٹ میں ہیرا پھیری اور لوگوں کو اپنا حق استعمال کرنے سے روکنا جمہوریت کے خلاف سازش ہے، ان 70 فیصد لوگوں کو جمہوری عمل سے نکالا گیا، اس وقت تک ہمارے پاس 3 حلقوں کے فارم 47 موجود ہیں، ہم 8 نشستوں پر 100 فیصد جیت رہے تھے جن کا فارم 47 ملنا چاہیے تھا۔گلگت میں الیکشن نتائج کے بعد ہم ایک خاتون کی مخصوص نشست اور ایک ٹیکنوکریٹ نشست کے حقدار ہیں۔ ہم پرزور مطالبہ کرتے ہیں کہ ہمیں یہ سیٹیں دی جائیں۔ اس کے علاوہ ہم استور کی سیٹ پر فی الفور دوبارہ الیکشن چاہتے ہیں، 8 فروری کو جس طرح پورے پاکستان میں روکا اس طرح یہاں پر بھی روکا یہ طریقہ کار جمہوریت میں نہیں اتا مئی 2025 کے بعد ہمارا مینڈیٹ چوری ہوا اگر ہمارا مینڈیٹ قبول نہیں تو پھر کچھ بھی قبول نہیں،