سعودی عرب میں مکہ مشترکہ دفاعی معاہدے پر دستخط کی خوشی میں جمعہ کی شب اہم عمارتوں، ٹاورز اور معروف مقامات کو سعودی عرب، ترکیہ اور پاکستان کے قومی پرچموں کے رنگوں سے روشن کیا گیا۔
سعودی عرب کے مختلف شہروں میں ہونے والی خوبصورت روشنیوں نے تینوں برادر ممالک کے درمیان دیرینہ تعلقات، اسلامی اخوت اور یکجہتی کی عکاسی کی۔ عمارتوں پر نمایاں تینوں ممالک کے پرچموں کے رنگ امن، سلامتی اور استحکام کے مشترکہ عزم کی علامت بن گئے۔مکہ مشترکہ دفاعی معاہدہ سعودی عرب، ترکیہ اور پاکستان کے باہمی تعلقات کو مزید مضبوط بنانے کی جانب اہم پیش رفت قرار دیا جا رہا ہے، جس کے تحت دفاعی تعاون اور اجتماعی سلامتی کے شعبوں میں شراکت داری کو فروغ دینے پر زور دیا گیا ہے۔تینوں ممالک اس تعاون کے ذریعے خطے میں امن و استحکام کے فروغ اور ایک محفوظ و خوشحال مستقبل کے مشترکہ وژن کو آگے بڑھانے کے خواہاں ہیں۔