گروپ کیپٹن کو شہید کرنے کے کیس میں اہم پیشرفت ,گرفتار ملزم کی سی سی ٹی فوٹیج منظر عام پر آ گئی۔
ملزم کے خاتون کے ساتھ موٹرسائکل پر جانے کی فوٹیج بھی سامنے آ گئی۔ملزم کود کان سے کپڑے تبدیل کرتے بھی دیکھا جا سکتا ہے۔ملزم سعد عباسی تھانہ کھنہ کی حدود بند کھنہ روڈ کا رہائشی ہے۔ملزم کی عمر 20 سال جبکہ تعلیم میٹرک ہے۔ملزم الیکٹرانک کی دکان پر بطور سیلز مین بھی کام کرتا رہا تھا۔ملزم زبردستی لڑکی کو ساتھ لے کر جانا چاہتا تھا اس پر اس نے انکار کیا تھا۔پولیس کے مطابق لڑکی اور ملزم کے درمیان ہاتھاپائی بھی ہوئی تھی،گروپ کیپٹن ملزم اور لڑکی کے درمیان ہونے والی ہاتھاپائی کی وجہ سے رکا،گروپ کیپٹن نے ملزم کو لڑکی کے ساتھ زبردستی کرنے سے روکا جس پر ملزم طیش میں آ گیا تھا،ملزم نے گاڑی میں سوار گروپ کیپٹن پر فائرنگ کی اور فرار ہو گیاتھا۔واقعے کی اطلاع ملتے ہی ایس پی سٹی موقع پر پہنچے۔ایس پی سٹی کی سربراہی میں پولیس نے ملزم کو گرفتار کیا۔