میرا تعارف، عائشہ گُل

میں فیصل آباد کی مٹی کی بیٹی ہوں۔
میری پہلی درسگاہ وہ دینی ادارے تھے جہاں بیٹھ کر میں نے "ترجمہ و تفسیرِ سیرتِ مصطفی ﷺ” پڑھا اور اے گریڈ کے ساتھ اسے مکمل کیا۔ پھر اللہ نے مجھے سب سے بڑی دولت دی۔ میں نے بچیوں کے ہاتھوں میں قرآن تھمایا اور ان کے سینوں میں قرآن کا نور اتارا۔ الحمدللہ! آج کئی طالبات میرے ہاتھوں ترجمہ و تفسیر کے ساتھ قرآن مکمل کر چکی ہیں۔ یہ سب میرے رب کا کرم ہے۔

قلم سے میرا تعلق 2023 میں جڑا۔ ایک دوست کے کہنے پر انسٹاگرام پر لکھنا شروع کیا۔ شرط صرف یہ تھی کہ جو لکھوں وہ اپنا ہو۔
پھر 2024 میں میرا پہلا کتابچہ "قلبِ نور” آیا۔
2025 میں دوسری کتاب "جینا سیکھیں”_ شائع ہوئی جسے "الوکیل ایوارڈ” کے ساتھ بہت سے اداروں کی جانب سے اعزاز ملا اور وہ آج سرکاری لائبریری کا حصہ ہے۔
الحمدللہ! میرا ناول "دلِ محجوب” اور انتھولوجی "نقابِ نور” بھی اب تکمیل کے قریب ہیں۔
اللہ کے فضل سے میرے قلم کو وطن کی سرحدیں بھی چھونے لگیں۔ گریٹ نیوز، آزاد ریاست پاکستان، اطلاعات، ایکسپریس، بی بی سی نیوز، نئی روشنی، نوائے خبریں، روزنامہ قائد، سٹی 9 سمیت پاکستان کے معتبر اخبارات اور کئی انگلش اخبارات میں میرے آرٹیکل، افسانے اور کالم شائع ہونے کا سلسلہ چل رہا ہے الحمد للہ۔

اس کے علاوہ مختلف انتھولوجیز میں بھی میری تحریں شامل ہوئیں اور مختلف ادبی پلیٹ فارمز سے مجھے اعزازات سے نوازا گیا۔ الحمدللہ کثیرا کثیرا۔

اس وقت میں مختلف اداروں میں بطور انچارج اپنی خدمات انجام دے رہی ہوں اور مختلف میگزینز کے لیے بھی لکھتی ہوں۔ دعا ہے کہ اللہ میرے قلم کو ہمیشہ حق کا ساتھ لکھنے والا بنائے اور میرے لفظ دلوں تک پہنچیں۔
آمین یا ربّ العالمین۔