ایران نے پاکستان کے ذریعے امریکا کے ساتھ پیغامات کے تبادلے کی باضابطہ تصدیق کرتے ہوئے کہا ہے کہ آئندہ ہونے والے کسی بھی مذاکرات کا محور مکمل جنگ بندی ہوگا۔
ایرانی وزارت خارجہ کے ترجمان اسماعیل بقائی نے اپنے بیان میں کہا کہ پاکستان کے ذریعے امریکا سے رابطے جاری ہیں اور جنگ بندی کے پہلے مرحلے کے بعد دونوں جانب متعدد پیغامات کا تبادلہ ہوچکا ہے۔ترجمان کے مطابق پاکستان میں ہونے والے مذاکرات میں کئی اہم نکات زیر بحث آئے، جن میں مکمل جنگ بندی، ایران پر عائد پابندیوں کا خاتمہ اور جنگ کے دوران ہونے والے نقصانات کے ازالے جیسے معاملات شامل تھے۔اسماعیل بقائی کا کہنا تھا کہ ایران کسی بھی آئندہ سفارتی پیش رفت کو صرف اس صورت میں آگے بڑھائے گا جب اس کا مقصد مستقل اور مکمل جنگ بندی کو یقینی بنانا ہو۔