نائب وزیراعظم محمد اسحاق ڈار نے بحیرہ احمر میں تجارتی جہاز پر حملے پر تشویش کا اظہار کیا ہے
انہوں نے بتایا کہ بحیرہ احمر میں حملے میں تین پاکستانی شہری جاں بحق جبکہ ایک زخمی ہوا ہے۔محمد اسحاق ڈار نے پاکستان کے غیر جنگی تجارتی جہاز پر حوثی حملے کی شدید مذمت کی اور جاں بحق پاکستانیوں کے اہلخانہ سے دلی تعزیت کا اظہار کیا۔محمد اسحاق ڈار نے کہا کہ تجارتی جہازوں پر حملے بین الاقوامی قانون کی خلاف ورزی ہیں۔ایسے حملے بحری سلامتی اور تجارتی جہاز رانی کے لیے سنگین خطرہ ہیں۔انہوں نے بتایا کہ پاکستان واقعے کی مزید تفصیلات کے لیے سعودی حکام اور یمنی حکومت سے رابطے میں ہے۔نائب وزیراعظم نے ریاض میں پاکستانی سفارتخانے کو زخمی پاکستانی شہری کو ہر ممکن معاونت فراہم کرنے اور جاں بحق پاکستانیوں کی میتیں وطن لانے کی ہدایت کی ہے۔