حکومت نے شہریوں کی سہولت کے لیے موٹر سائیکل ٹرانسفر فیس ختم کرنے کا اعلان کر دیا ہے تاکہ پیٹرول سبسڈی سے فائدہ اٹھانے والے شہری آسانی سے اپنی بائیک اپنے نام پر منتقل کروا سکیں۔
ڈی جی ایکسائز عرفان میمن کے مطابق شہری ایکسائز آفس اسلام آباد سے بغیر کسی فیس کے اپنا بائیک ٹرانسفر کروا سکیں گے سہولت بڑھانے کے لیے محکمہ ایکسائز کے دفاتر 24 گھنٹے کھلے رہیں گے اور اضافی کاؤنٹرز بھی لگائے گئے ہیں،یہ فیصلہ عوام تک حکومتی ریلیف پہنچانے کے لیے کیا گیا ہے تاکہ رجسٹریشن اور پیٹرول سبسڈی کے فوائد شہریوں کے لیے آسان اور شفاف ہوں۔
ڈی جی محکمہ ایکسائز عرفان میمن نے شہریوں کو ہدایت کی ہے کہ حکومتی ریلیف سے فائدہ اٹھانے کے لیے فوری طور پر اپنی موٹرسائیکل اپنے نام پر منتقل کرائیں،رجسٹریشن اور ٹرانسفر کے عمل کو تیز کرنے کے لیے محکمہ ایکسائز میں اضافی کاؤنٹرز بھی فعال کیے جائیں گے ۔