غزہ میں نسل کشی کے پیچھے اسرائیل انڈیا گٹھ جوڑبے نقاب،ناقابلِ تردیدشواہد سامنےآگئے
فلسطینیوں کے قاتل اورگجرات کے قصاب مودی کا گھناؤنا چہرہ الجزیرہ کی تحقیقاتی رپورٹ میں بےنقاب ہو گیا،مودی کی ہندوتوا اورنیتن یاہو کی صیہونیت کا ملاپ عالمی سلامتی کو فسطائیت کی اندھی آگ میں دھکیل رہا ہے،غزہ کے معصوموں کے قتلِ عام میں ملوث اسرائیل انڈیا گٹھ جوڑ کے ہوشربا انکشافات پرمبنی الجزیرہ کی رپورٹ جاری کر دی گئی،الجزیرہ کی تحقیقاتی رپورٹ کے مطابق؛بھارت غزہ نسل کشی کے دوران اسرائیل کو ہتھیار فراہم کرنے والا دوسرا بڑا سپلائرملک بن گیا،الجزیرہ کی رپورٹ میں انکشاف ہوا ہے کہ اسرائیل کی عسکری درآمدات میں بھارت کا 26 فیصد حصہ شامل ہے،الجزیرہ نے تحقیقات کے دوران اسرائیل کو بھارتی ہتھیاروں کی سپلائی کی 91 سرکاری دستاویزات حاصل کیں،رپورٹ میں اسرائیل کو کی جانے والی بھارتی عسکری برآمدات کی تمام خفیہ تفصیلات موجود ہیں
بھارتی کمپنیاں اسرائیل کے بڑے دفاعی اداروں بشمول رافیل ایڈوانسڈ سسٹمز کو ہتھیاروں کے پرزے برآمد کر رہی ہیں، بھارتی اور اسرائیلی کمپنی کے مشترکہ منصوبے کے تحت ساڑھے 5 لاکھ سے زائد بھاری دھماکہ خیز پرزے اسرائیل بھیجے گئے،بھارتی کمپنی کالیانی سسٹمز نے 155 ایم ایم توپ خانے کے گولوں کے خول کی بڑی کھیپ اور لاکھوں بوسٹر پیلیٹ اسرائیل کو فراہم کیے،
ماہرین کے مطابق؛بھارت کا اسرائیل کیلئے اسلحے کی سپلائی لائن بننا یہ ثابت کرتا ہے کہ مودی سرکار عالمی فاشزم کی سب سے بڑی سرپرست بن چکی ہے،بھارت کا ایک طرف سفارتی سطح پر دوریاستی حل کا راگ الاپنا اور دوسری طرف اسرائیل کو اسلحہ دینا واضح دوغلا پن ہے