اسرائیلی وزیراعظم نے سوشل میڈیا پلیٹ فارم ایکس پر کہا ہے کہ اسرائیل ان کی قیادت میں ایران کے “دہشت گرد نظام” اور اس کے اتحادی گروہوں کے خلاف کارروائیاں جاری رکھے گا۔ اسرائیل اپنی سلامتی کے تحفظ کے لیے ہر ممکن قدم اٹھاتا رہے گا۔
اسرائیلی وزیراعظم نے اپنے بیان میں ترک صد رجب طیب اردگان کو بھی تنقید کا نشانہ بنایا اور الزام عائد کیا کہ وہ ایران کے حمایتی عناصر کو جگہ دیتے ہیں۔ ساتھ ہی انہوں نے کرد شہریوں کے خلاف کارروائیوں کا حوالہ دیتے ہوئے ترک قیادت پر سخت تنقید کی۔
یہ بیان ایسے وقت سامنے آیا ہے جب مشرقِ وسطیٰ میں ایران اور اسرائیل کے درمیان کشیدگی بدستور برقرار ہے، جبکہ خطے میں سفارتی کوششیں بھی جاری ہیں۔پاکستان میں امریکا اور ایران کے مابین مذاکرات ہو رہے ہیں مبصرین کے مطابق اس نوعیت کے سخت بیانات سے علاقائی تناؤ میں مزید اضافہ ہوسکتا ہے۔