وفاقی تحقیقاتی ادارے (ایف آئی اے) امیگریشن نے ملتان ایئرپورٹ پر کارروائی کرتے ہوئے انسانی اسمگلنگ کے شبہ اور جعلی دستاویزات رکھنے پر 4 مسافروں کو پرواز سے اتار دیا ہے۔
ایف آئی اے حکام کے مطابق، آف لوڈ کیے جانے والے مسافروں میں تین خواتین اور ایک مرد شامل ہیں جو آذربائیجان، سعودی عرب اور بحرین جانے کی کوشش کر رہے تھے مسافر اپنے سفر کے مقصد اور دستاویزات کے حوالے سے امیگریشن حکام کو مطمئن کرنے میں ناکام رہے، جس کی بناء پر انہیں سفر کی اجازت نہیں دی گئی۔
ترجمان ایف آئی اے نے بتایا کہ بحرین جانے والی دو خواتین کے موبائل فونز سے ایکواڈور کے ویزے برآمد ہوئے ہیں، جو انہوں نے حکام کے سامنے ظاہر نہیں کیے تھے۔ حکام نے چاروں مسافروں کو تحویل میں لے کر مزید تحقیقات شروع کر دی ہیں