وینا ملک کی جانب سے رواں ہفتے یہودیوں کے قتل کے بارے میں ہٹلر کا ایک مبینہ قول شیئر کرنے کے بعد ٹوئٹر کی جانب سے کارروائی کی گئی-
باغی ٹی وی : مائیکرو بلاگنگ ویب سائٹ ٹوئٹر نے پاکستانی اداکارہ وینا ملک کی ایک پوسٹ کوڈیلیٹ کر دیا جس میں انہوں نے اسرائیل میں بڑھتے ہوئے تشدد کے ردعمل میں جرمن امر ایڈولف ہٹلر کا ایک یہودیوں کے بارے میں ایک نقلی قول شیئر کیا تھا-
ٹوئٹر پر12 لاکھ فالورز رکھنے والی 37 سالہ اداکارہ نے منگل کو ایک پوسٹ میں ایڈولف ہٹلر کا مبینہ قول، ’میں دنیا کے تمام یہودیوں کو مار سکتا تھا لیکن میں نے ایسا نہیں کیا تاکہ دنیا جان لے کہ میں نے انہیں کیوں مارا،‘ شیئر کیا۔
The quote attributed to Hitler by Ms Malik appears made up but is nonetheless often quoted in some variation by anti-Semites to express hatred of Jews and/or Israel. https://t.co/HwDcwhy3L6
— Andy Ngo (@MrAndyNgo) May 12, 2021
مصنف اینڈی نگ نے واضح کیا کہ اداکارہ وینا ملک نے ہٹلر کے جس قول کا حوالہ دیا ہے وہ بظاہر خود ساختہ ہے ’لیکن اینٹی سیمیٹک (یہودی مخالف لوگ) اکثر یہودیت یا اسرائیل سے نفرت کے اظہار کے لیے اس قول کا استعمال کرتے ہیں-
خیال رہے کہ اسرائیل کی جانب سے فلسطین پر حملے کے بعد سے اداکارہ وینا ملک ٹوئٹر پر کافی فعال ہیں اور مسلسل فلسطینوں پر اسرائیلی مظالم سے متعلق پوسٹ کررہی ہیں۔