بھارتی اداکارہ کاجل اگروال کی شادی کی تقریبات کا آغاز ہو گیا اداکارہ کی جانب سے اپنی مہندی کی ایک خوبصورت تصویر سوشل میڈیا پر شیئر کی گئی ہے جو انٹرنیٹ پر خوب وائرل ہو رہی ہے۔
باغی ٹی وی : تامل فلموں سے شہرت کی بلندیوں کو چھونے والی کاجل اگروال کی شادی کی تقریبات کا آغا ز ہو گیا ہے کاجل اگروال نے سماجی رابطے کی ویب سائٹ انسٹاگرام پر اپنی مہندی کی ایک خوبصورت تصویر شیئر کی ہے جس میں وہ خوبصورت اور خوش نظر آ رہی ہیں ۔
کاجل کی جانب سے شیئر کی گئی تصویر میں دیکھا جا سکتا ہے کہ انہوں نے سبز رنگ کا جوڑا پہنا ہوا ہے اور اُن کے ہاتھوں پر خوبصورت ڈیزائن کی مہندی لگی ہوئی ہے۔
بلاک بسٹر فلم ’سنگھم‘ کی ہیروئن کاجل نے اپنی تصویر شیئر کرتے ہوئے ساتھ میں ’نظر بد دور‘ کا ایموجی بھی بنایا ہے ۔
دوسری جانب کاجل کے منگیتر گوتم کیچلو نے بھی اپنے انسٹا گرام اکاؤنٹ پر چند تصاویر شیئر کی ہیں جس میں وہ شادی سے متعلق رسومات ادا کرتے ہوئے دیکھے جا سکتے ہیں تاہم گوتم نے اپنی ان تصاویر میں چہرہ نہیں دکھایا۔
واضح رہے کہ کاجل اگروال کل 30 اکتوبر بروز جمعہ اپنے منگیتر کے ساتھ شادی کے بندھن میں بندھ جائیں گی۔
خیال رہے کہ اس سے قبل کاجل اگروال نے اپنی شادی کی تاریخ کا اعلان کیا تھا سوشل میڈیا پر جاری اپنے پیغام میں اداکارہ کا کہنا تھا کہ وہ 30 اکتوبر 2020 کو اپنے منگیتر گوتم کیچلو کے ساتھ ممبئی میں شادی کے بندھن میں بندھنے جارہی ہیں۔