مجھے قوالی گانے سے کیوں روکا گیا منجاری چتر ویدی نے بتا دیا

گذشتہ دنوں نامور کتھک ڈانسر منجاری چترویدی کولکھنوکے ہوٹل میں ہونے والے ایک کلچر شو میں سرکاری طور پر قوالی گانے سے روک دیا گیا

منجاری کے مطابق ایسے وقت میں انہیں شدید حیرانی کا سامنا کرنا پڑا ان کاکہنا تھا کہ ’’ میں نے عشق کے رنگ کے عنوان سے 45 منٹ کی پرفارمنس دینی تھی مگرجب میں تیسرے مرحلے میں تھی اور قوالی گانے لگی تو میوزک بند ہو گیا پہلے پہل تو میں یہ سمجھی کہ میوزک میں کوئی خرابی ہے مگر کچھ ہی لمحوں بعد تین سرکاری افسرآئے اور مجھےکہا یہاں قوالی نہیں چلےگی

فنکارہ کے مطابق میں سوچنے لگی کہ یہ وہ لکھنونہیں جو اپنے نام سے جانا پہچانا جاتا ہے میں یہاں پلی بڑھی ہوئی یہاں کی تہذیب سے واقف ہوں وہ تہذیب مجھ میں رچی بسی ہے مجھے اس رویے سے بہت دکھ پہنچا میوزیشین نے انتظامیہ کو بتایا کہ ابھی دو سیگمنٹ باقی ہیں مگر انہوں نے کچھ نہیں کہا وہ چپ رہے

بھارتی فنکارہ کوصوفی رقص سے زبردستی روک دیا گیا

کتھک ڈانسر کا کہنا تھا کہ جو قوالی میں گانے جارہی تھی اس کے بول تھے ایسا بننا سنورنا مبارک ہو تمہیں جو کہ نصرت فتح علی نے گائی ہےاس کا مذہب سے کوئی تعلق نہیں تھا بھارت قوالی کی جنم بھومی ہے

منجاری کا یہ بھی کہنا تھا کہ اس کے بعد مجھے سرکاری افسر کی کال موصول ہوئی جنہوں نے مجھ سے کہا کہ آپ کے ساتھ ہونے والے واقعہ پر سرکاری افسران کا رویہ منصوبہ بندی کے تحت نہیں تھا اور ان کا رویہ بھی ٹھیک نہیں تھا

تاہم سرکاری افسر نے مجھے 27 جنوری کو ایک پروگرام میں پرفام کرنے کو کہا جس میں وزیر اعلیٰ بھی موجود ہونگے