ایرانی وزیر خارجہ عباس عراقچی نے اعلان کیا ہے کہ آبنائے ہرمز کو تجارتی جہازوں کے لیے دوبارہ کھول دیا گیا ہے۔
انہوں نے کہا کہ لبنان میں جنگ بندی کے بعد یہ فیصلہ کیا گیا ہے اور جنگ بندی کے باقی ایام کے دوران آبنائے ہرمز مکمل طور پر کھلا رہے گا۔
عباس عراقچی کے مطابق تجارتی جہازوں کی محفوظ آمدورفت کے لیے مخصوص راستوں کی نشاندہی پہلے ہی کر دی گئی ہے تاکہ کسی بھی قسم کے خطرے سے بچا جا سکے۔
یہ پیش رفت عالمی تجارت کے لیے اہم قرار دی جا رہی ہے کیونکہ آبنائے ہرمز دنیا کی اہم ترین بحری گزرگاہوں میں شمار ہوتی ہے جہاں سے بڑی مقدار میں تیل اور دیگر تجارتی سامان کی ترسیل ہوتی ہے۔
ایران نے آبنائے ہرمز تجارتی جہازوں کیلئے کھولنے کا اعلان کر دیا
