لبنان کے جنوبی شہر صور میں جنگ بندی سے عین قبل اسرائیلی حملوں میں کم از کم 13 افراد ہلاک اور 35 زخمی ہو گئے۔
سرکاری میڈیا نیشنل نیوز ایجنسی کے مطابق یہ حملے گزشتہ رات کیے گئے، جن کے نتیجے میں متعدد عمارتیں تباہ ہوئیں اور کئی افراد ملبے تلے دب گئے۔ ریسکیو ٹیمیں آج صبح تک لاپتا افراد کی تلاش میں مصروف رہیں اور کم از کم 15 افراد کو تاحال لاپتا قرار دیا جا رہا ہے۔
اے ایف پی کے مطابق یہ حملے اسرائیل اور لبنان کے درمیان طے پانے والی 10 روزہ جنگ بندی کے نفاذ سے کچھ ہی دیر قبل، آدھی رات سے پہلے کیے گئے۔
مقامی سرکاری ذرائع کا کہنا ہے کہ حملوں کے وقت علاقے میں شدید بمباری ہوئی جس کے باعث جانی نقصان میں اضافہ ہوا اور ریسکیو کارروائیاں بھی متاثر ہوئیں۔
جنگ بندی سے قبل صور میں اسرائیلی حملے، 13 افراد ہلاک
