مودی کی جابر پالیسیوں کیخلاف بھارتی نوجوان یک زبان ، کاکروچ جنتا پارٹی کے احتجاج میں مودی کے استعفیٰ کا مطالبہ کر دیا گیا، بھارتی نوجوان تحریک کاکروچ جنتا پارٹی ( سی جے پی) کا احتجاج شدت اختیار کر گیا
بھارتی پولیس کی طلباء کے پارلیمنٹ کی جانب مارچ کو آنسو گیس شیلنگ اور بدترین لاٹھی چارج سے روکنے کی کوشش ناکام ہو گئی،برطانوی نشریاتی ادارہ کے مطابق نوجوان تحریک سی جے پی کی قیادت میں طلباء، والدین سیاسی و سماجی کارکنان نے تعلیمی نظام میں اصلاحات کیلئے بھارتی پارلیمنٹ کا رخ کر لیا ،سماجی کارکن اور ماہرِ تعلیم سونم وانگچک کو زبردستی اسپتال منتقل کیے جانے کے بعد بھارتی طلبہ نے احتجاج اعلان کیا،
پرامن احتجاج کے باوجود بھارتی پولیس کی غنڈہ گردی کے بعد سی جے پی نے نااہل وزیر اعظم مودی کے استعفے کا بھی مطالبہ کر دیا ،کاکروچ جنتا پارٹی کے بانی ابھجیت دیپکے کا کہنا تھا کہ پولیس کی وردی میں آر ایس ایس کے غنڈوں نے سونم وانگچک کو جبری گرفتار کر کے انتہائی بزدل حرکت کی ہے ،حکومت کی قابلِ مذمت کارروائی کے بعد ہم اب وزیر تعلیم کیساتھ مودی کے استعفے کا بھی مطالبہ کرتے ہیں ، میڈیا کے مطابق میڈیکل داخلہ امتحان کے پیپر لیک کے باعث تقریباً 22 لاکھ 80 ہزار متاثرین اور 20 سے زائد طلباء کی خودکشی نے نوجوان نسل کو احتجاج پر مجبور کیا،
بھارت میں تعلیمی نظام کی نااہلی، پیپر لیک اسکینڈل اور طلبہ کی خودکشیوں نے مودی حکومت کو کٹہرے میں کھڑا کر دیا.