ناروے کے دارالحکومت اوسلو میں بھارتی وزیراعظم نریندر مودی اور بھارتی حکام کو صحافیوں کے سخت سوالات کا سامنا کرنا پڑگیا۔
مشترکہ بیان کے بعد بھارتی وزیراعظم نریندر مودی سوالات لیے بغیر روانہ ہوئے تو غیر ملکی صحافیوں نے اس پر شدید ردعمل دیا۔بھارتی وزارتِ خارجہ کی بریفنگ کے دوران ناروے کے ایک صحافی نے سوال اٹھایا کہ بھارتی وزیراعظم سوالات سے کیوں بھاگ رہے ہیں؟، بھارتی وزارتِ خارجہ کے سیکریٹری اس سوال کا براہِ راست جواب نہ دے سکے۔سخت سوالات پر پریس کانفرنس کا ماحول کشیدہ ہوگیا۔ سوشل میڈیا پر بھی بھارتی حکام کے جواب کا مذاق اڑایا جارہا ہے۔