متحدہ قومی موومنٹ پاکستان کے کنوینر ڈاکٹرخالدمقبول صدیقی نے اپنے ایک خصوصی پیغام میں کہا کہ آج سے 73سال قبل بانی پاکستان قائداعظم محمد علی جناح نے ڈھاکہ یونیورسٹی کے کانوویکیشن سے خطاب کرتے ہوئے اردو کو قومی زبان کا درجہ دیتے ہوئے کہا کہ آج سے مادر وطن کی قومی زبان قرار دی جاتی ہے کیوں کہ اردو زبان پورے بر صغیر میں بولی اور سمجھی جاتی ہے اور تحریک پاکستان میں اس زبان نے انقلابی کردار ادا کیا۔ڈاکٹرخالد مقبول صدیقی نے اپنے پیغام میں کہا کہ قومی زبان اردو ہماری شناخت اور ہمارا فخر ہے کہ ہم سب کی قومی ذمہ دا ری ہے کہ اس زبان کی ترویج واشاعت کیلئے اپنا کردار قومی فریضہ سمجھ کر سر انجام دیں اور آئیندہ آنے والی نسلوں تک اردو زبان کو منتقل کریں