ننکانہ صاحب، کرپشن اور اختیارات کا ناجائز استعمال،پولیس اہلکاروں کیخلاف کاروائیاں

احسان اللہ ایاز باغی ٹی وی نامہ نگار ننکانہ صاحب

ننکانہ صاحب میں کرپشن اور اختیارات کے ناجائز استعمال اور محکمانہ غفلت پر ایک پولیس انسپکٹر اورایک کانسٹیبل نوکری سے فارغ، ایک سب انسپکٹر اور ایک اے ایس آئی کی عہدوں سے تنزلی، ایک انسپکٹر، ایک اے ایس آئی اور دو کانسٹیبل معطل، وزیرا علیٰ پنجاب مریم نواز کی ہدایت پرڈی پی او ارسلان زاہد ان ایکشن، احتساب کا شکنجہ مزیدسخت سخت کر دیا گیا۔

تفصیلات کے مطابق ڈی پی او ننکانہ صاحب ارسلان زاہد نے اختیارات کے ناجائز استعمال ثابت ہونے پر سابق ایس ایچ او تھانہ فیض آباد مجاہد عباس ملہی کو محکمہ پولیس سے برخاست کر دیا گیا، جبکہ کرپشن کے الزامات پر ایس ایچ او تھانہ مانگٹانوالا انسپکٹر کفایت حسین کو معطل کر دیا گیا۔کرپشن اور اختیارات کے ناجائز استعمال ثابت ہونے پر سب انسپکٹر منشاء کی عہدے سے تنزلی کرتے ہوئے اسے اے ایس آئی بنا دیا گیا، جبکہ تھانہ سید والا کی چوکی کوٹ حاکم کے انچارج اکبر قریشی کو بھی کرپشن اور اختیارات کے ناجائز استعمال ثابت ہونے پر عہدے سے تنزلی کرکے کانسٹیبل بنا دیا گیا۔ناقص تفتیش پر انچارج چوکی وزیر پور محبوب احمد کو معطل کر دیا گیا، جبکہ پولیس چوکی موڑ کھنڈا میں تعینات کانسٹیبلان آصف اور اکبر کو کرپشن اور اختیارات کے ناجائز استعمال پر معطل کیا گیا۔ اسی چوکی کے کانسٹیبل وقار کو محکمہ پولیس سے برخاست کر دیا گیا۔ڈی پی او ارسلان زاہد نے کہا ہے کہ آئی جی پنجاب کی ہدایت پر رشوت، کرپشن اور محکمانہ ضابطے کی خلاف ورزی کے خلاف زیرو ٹالرنس پالیسی پر عملدرآمد جاری ہے۔ سنگین نوعیت کے مقدمات میں منصفانہ تفتیش اور میرٹ کو ہر صورت یقینی بنایا جائے گا۔ڈی پی او کا مزید کہنا تھا کہ آر پی او شیخوپورہ رینج اطہر اسماعیل کے احکامات کے مطابق ناجائز قبضے کروانے میں ملوث پولیس افسران و ملازمان ناقابلِ معافی ہیں اور ان کی کڑی نگرانی کی جائے گی۔ محکمہ پولیس کی بدنامی کا سبب بننے والے اہلکاروں کے خلاف بلاامتیاز کارروائی جاری رہے گی۔