نیشنل الیکٹرک پاور ریگولیٹری اتھارٹی (نیپرا) نے بجلی کی قیمت میں 2 روپے 8 پیسے فی یونٹ اضافہ کردیا، جس کا باقاعدہ نوٹیفکیشن بھی جاری کردیا گیا ہے۔
نوٹیفکیشن کے مطابق بجلی کی قیمت میں اضافہ مقررہ طریقہ کار کے تحت کیا گیا ہے، جس کا اطلاق ستمبر کے بجلی کے بلوں پر ہوگا۔ اضافے کے بعد صارفین کو بجلی کے استعمال کے حساب سے پہلے کے مقابلے میں زیادہ بل ادا کرنا پڑیں گے۔
نیپرا کے فیصلے کے بعد بجلی کی تقسیم کار کمپنیاں نئے نرخوں کے مطابق ستمبر کے بل جاری کریں گی، جبکہ صارفین پر اضافی مالی بوجھ پڑے گا۔
بجلی کے نرخوں میں مسلسل اضافے اور تبدیلی کے باعث پہلے ہی زیادہ بل ادا کرنے والے صارفین کے ماہانہ اخراجات میں مزید اضافہ متوقع ہے۔