بانی پاکستان تحریک انصاف عمران خان اور بشریٰ بی بی سے ملاقات کیلئے کوئی فیملی ممبر یا پارٹی رہنما اڈیالہ جیل نہ پہنچ سکا۔
ذرائع کے مطابق ملاقات کا مقررہ وقت ختم ہوگیا تاہم ملاقات کی فہرست میں شامل رہنما بھی وقت پر اڈیالہ جیل نہیں پہنچ سکے۔
ملاقات کیلئے بیرسٹر گوہر، سلمان اکرم راجہ، چنگیز خان کاکڑ، انتظار پنجوتھہ، علی رحمان اور علی اعجاز بٹر کے نام بھجوائے گئے تھے۔
دوسری جانب بانی پی ٹی آئی عمران خان کے طبی معائنے کیلئے میڈیکل ٹیم اڈیالہ جیل پہنچ گئی۔
جیل ذرائع کے مطابق میڈیکل ٹیم میں پروفیسر ندیم قریشی اور ڈاکٹر عارف خان شامل تھے۔
ذرائع کا کہنا ہے کہ میڈیکل ٹیم نے بانی پی ٹی آئی کی صحت کا جائزہ لیا جبکہ معائنے کی تفصیلات فوری طور پر جاری نہیں کی گئیں۔
یہ پیش رفت ایسے وقت میں سامنے آئی ہے جب عمران خان کی صحت اور ملاقاتوں سے متعلق سیاسی حلقوں میں مسلسل بحث جاری ہے۔
عمران خان سے ملاقات کیلئے کوئی فیملی ممبر اور پارٹی رہنما اڈیالہ جیل نہیں پہنچا۔
