اسلام آباد: پاکستان نے متحدہ عرب امارات کی جانب سے ڈپازٹ کی صورت میں فراہم کی گئی تمام مالی معاونت واپس کر دی ہے،
اسٹیٹ بینک آف پاکستان کے مطابق گزشتہ روز متحدہ عرب امارات کو ایک ارب ڈالر کی رقم واپس کی گئی، جبکہ اس سے قبل گزشتہ ہفتے 2.45 ارب ڈالر بھی ادا کیے جا چکے تھے۔ مرکزی بینک کا کہنا ہے کہ مجموعی طور پر 3.45 ارب ڈالر کے تمام ڈپازٹس 6 فیصد سود کے ساتھ واپس کر دیے گئے ہیں۔ماہرین کے مطابق اتنی بڑی رقم کی واپسی کے بعد پاکستان کے بیرونی مالیاتی خلا میں اضافہ ہو سکتا ہے، جس سے زرمبادلہ کے ذخائر اور کرنٹ اکاؤنٹ پر دباؤ بڑھنے کا خدشہ ہے۔
دوسری جانب ایک مثبت پیش رفت میں سعودی عرب نے پاکستان کو 3 ارب ڈالر فراہم کر دیے ہیں، جس سے جزوی طور پر مالیاتی دباؤ کو کم کرنے میں مدد ملنے کی توقع کی جا رہی ہے۔اقتصادی تجزیہ کاروں کا کہنا ہے کہ حکومت کو آئندہ مہینوں میں بیرونی ادائیگیوں کے توازن کو برقرار رکھنے کے لیے مزید اقدامات کرنا ہوں گے، جبکہ دوست ممالک اور عالمی مالیاتی اداروں سے تعاون بھی ناگزیر ہو سکتا ہے۔