وزیر اعلیٰ پنجاب مریم نواز کی صاحبزادی ماہ نور صفدر کی شادی کی تصاویر سوشل میڈیا پر توجہ کا مرکز بن گئیں-
ماہ نور صفدر کا معروف صنعت کار کے بیٹے اذان جبار کے ساتھ نکاح ہفتہ کو جاتی امرا میں ایک پروقار مگر محدود خاندانی تقریب میں ہوا، جس میں شریف خاندان کے افراد، قریبی رشتہ داروں اور اہم سیاسی شخصیات نے شرکت کی،وزیر اعظم شہباز شریف خصوصی طور پر نکاح میں شرکت کے لیے جاتی امرا پہنچے، جبکہ سابق وزیر اعظم اور مسلم لیگ ن کے قائد نواز شریف، ماہ نور کے والد کیپٹن ریٹائرڈ محمد صفدر، حسن نواز اور حسین نواز بھی تقریب میں موجود تھے، نائب وزیر اعظم اسحاق ڈار اور سینیئر صوبائی وزیر مریم اورنگزیب سمیت دیگر اہم شخصیات نے بھی شرکت کی-
تقریب میں سادگی کو ترجیح دی گئی اور تقریب کو انتہائی محدود رکھا گیا ماہ نور صفدر کی شادی کی تصاویر سامنے آنے کے بعد سوشل میڈیا صارفین کی جانب سے انہیں مبارکباد دینے کا سلسلہ بھی جاری ہے، جبکہ شادی کی تقریب اور دلہا دلہن کے لباس سے متعلق تصاویر اور تبصرے مختلف سوشل میڈیا پلیٹ فارمز پر شئیر کئے جا رہے ہیں-
ماہ نور صفدر کے جیون ساتھی اذان جبار کا تعلق معروف کاروباری اور تجارتی خاندان سے ہے۔ ان کے والد جبار خالد ملک کے نمایاں صنعت کار ہیں اور ان کا خاندان فلور ملز کے وسیع کاروبار سے وابستہ ہے۔