اسلام آباد :‘نومنتخب امریکی صدر کے ساتھ مل کر کام کرنے کا منتظر ہوں’وزیراعظم خان کی جوبائیڈن کو مبارکباد،اطلاعات کے مطابق وزیر اعظم عمران خان نے نئے امریکی صدر جوبائیڈن کو عہدے کا حلف اٹھانے پر مبارکباد پیش کی ہے۔
نومنتخب امریکی صدر جوبائیڈن کی کامیابی پر ٹوئٹر پر جاری بیان میں وزیراعظم نے جوبائیڈن کو مبارکباد دیتے ہوئے کہا کہ نومنتخب امریکی صدر کےساتھ مل کر کام کرنےکا منتظر ہوں۔
https://twitter.com/ImranKhanPTI/status/1351936403584774151
وزیراعظم عمران خان نے لکھا کہ ہم پاک امریکا تعلقات کو مزید مستحکم کرنےکےخواہاں ہیں، معاشی سرگرمیوں، ماحولیاتی تبدیلیوں سے نبردآزما ہونے، عوامی صحت میں بہتری، کرپشن کے خلاف جنگ اور خطے میں امن کو پروان چڑھانا چاہتے ہیں۔
دوسری طرف بھارتی وزیراعظم نریندرا مودی نے بھی نومنتخب امریکی صدر جوبائیڈن کو حلف اٹھانے پرمبارکباد کا پیغام بھیجا ہے اور اس بات کی امید ظاہر کی ہے کہ وہ بھارت کےساتھ بہتر تعلقات کو قائم کریںگے