وزیرِ اعظم محمد شہباز شریف نے ترکیہ کے شہر انطالیہ میں منعقدہ ڈپلومیسی فورم کے موقع پر عالمی رہنماؤں سے اہم غیر رسمی ملاقاتیں کیں۔
تفصیلات کے مطابق وزیرِ اعظم نے ترک صدر رجب طیب ایردوان، امیرِ قطر شیخ تمیم بن حمد آل ثانی، قازقستان کے صدر قاسم جومارت توکائیف، آذربائیجان کے صدر الہام علیئف اور شامی صدر احمد الشرح سے ملاقاتیں کیں۔
اس کے علاوہ وزیرِ اعظم کی قطر کے وزیرِ اعظم و وزیرِ خارجہ شیخ محمد بن عبدالرحمن بن جاسم آل ثانی اور کوسوو کی سابق صدر ویوسا عثمانی سے بھی ملاقاتیں ہوئیں۔
ذرائع کے مطابق یہ تمام ملاقاتیں خوشگوار ماحول میں ہوئیں جن میں باہمی تعلقات، علاقائی صورتحال اور عالمی امور پر تبادلہ خیال کیا گیا۔
فورم کے دوران وزیرِ اعظم شہباز شریف عالمی رہنماؤں کی توجہ کا مرکز رہے اور مختلف ممالک کے ساتھ تعاون کو فروغ دینے پر بھی بات چیت کی گئی۔
وزیراعظم شہباز شریف کی انطالیہ میں عالمی رہنماؤں سے ملاقاتیں
