ہوٹل پر پولیس کا چھاپہ،تین لڑکے ، دو لڑکیاں‌ "دھندہ” کرتےگرفتار

ہماچل پردیش کے ضلع بلاسپور میں پولیس نے ایک ہوٹل پر چھاپہ مار کر تین نوجوانوں اور دو لڑکیوں کو گرفتار کر لیا، جبکہ ان کے قبضے سے بھاری مقدار میں منشیات بھی برآمد ہوئی،

پولیس ذرائع کے مطابق 3 مئی کو بلاسپور کے علاقے لکھن پور میں واقع ہوٹل بالاجی کے کمرہ نمبر 205 میں مشتبہ سرگرمیوں کی اطلاع ملی تھی۔ اطلاع ملنے پر پولیس نے فوری کارروائی کرتے ہوئے چھاپہ مارا، جس دوران کمرے میں موجود افراد میں افراتفری پھیل گئی۔کارروائی کے دوران پولیس نے تین نوجوانوں اور دو لڑکیوں کو حراست میں لے لیا اور ان کے قبضے سے تقریباً 15.85 گرام چٹا (ہیروئن) برآمد کر لیا۔ پولیس کے مطابق ملزمان نہ صرف منشیات استعمال کر رہے تھے بلکہ اسے فروخت کرنے کی بھی کوشش کر رہے تھے۔
ایس پی بلاسپور سندیپ دھنول کے مطابق گرفتار ملزمان کے خلاف ND&PS Act کی دفعات 21 اور 29 کے تحت مقدمہ درج کر لیا گیا ہے اور مزید تحقیقات جاری ہیں۔

پولیس حکام کا کہنا ہے کہ علاقے میں منشیات کے خلاف مہم تیز کر دی گئی ہے اور اس طرح کی کارروائیاں آئندہ بھی جاری رہیں گی۔ واضح رہے کہ ایک روز قبل بھی قریبی ضلع اونا میں پولیس نے کروڑوں روپے مالیت کی ہیروئن برآمد کر کے تین افراد کو گرفتار کیا تھا، جس سے ظاہر ہوتا ہے کہ خطے میں منشیات کی اسمگلنگ ایک بڑا چیلنج بنتی جا رہی ہے۔