کوئٹہ سے ملک کے دیگر شہروں کے لیے ریلوے آپریشن عارضی طور پر معطل کر دیا گیا ہے جس کے باعث آج پشاور جانے والی جعفر ایکسپریس اپنی روانگی نہیں کر سکے گی۔
ریلوے حکام کے مطابق کوئٹہ سے اندرون ملک ٹرین سروس کی معطلی ناگزیر وجوہات کی بنا پر کی گئی ہے۔ حکام نے بتایا کہ اس صورتحال کے باعث کوئٹہ آنے والی جعفر ایکسپریس کو جیکب آباد ہی سے واپس بھیج دیا جائے گا۔اسی طرح کوئٹہ سے کراچی چلنے والی بولان میل کی سروس پہلے ہی معطل ہے، جبکہ کوئٹہ سے چمن کے درمیان چلنے والی ٹرین سروس بھی بند ہے۔ٹرین سروس کی بندش کے باعث مسافروں کو شدید مشکلات کا سامنا ہے۔ ریلوے حکام کا کہنا ہے کہ صورتحال معمول پر آنے کے بعد ٹرین آپریشن بحال کر دیا جائے گا۔