کراچی: کراچی پولیس نے راہگیر خاتون کے ساتھ مبینہ طور پر غیراخلاقی اور نازیبا حرکت کرنے والے ملزم کو گرفتار کر لیا۔
ایس ایس پی ویسٹ طارق الٰہی مستوئی کے مطابق سوشل میڈیا پر وائرل ہونے والی ایک ویڈیو میں ملزم کو ایک خاتون راہگیر کے ساتھ نامناسب حرکات کرتے ہوئے دیکھا گیا تھا، جس کے بعد پولیس نے فوری کارروائی کا آغاز کیا۔انہوں نے بتایا کہ ویڈیو کی مدد سے ملزم کی شناخت کی گئی اور کامیاب کارروائی کرتے ہوئے اسے گرفتار کر لیا گیا۔ایس ایس پی ویسٹ کے مطابق گرفتار ملزم کے خلاف مقدمہ درج کر لیا گیا ہے، جبکہ واقعے کے مختلف پہلوؤں پر مزید تفتیش جاری ہے۔پولیس کا کہنا ہے کہ خواتین کو ہراساں کرنے یا ان کے ساتھ غیر اخلاقی رویہ اختیار کرنے والوں کے خلاف قانون کے مطابق سخت کارروائی عمل میں لائی جائے گی۔