پی ایس ایل کی فرنچائز اسلام آباد یونائیٹڈ نے دسویں ایڈیشن کے بقیہ میچز کے لیے جنوبی افریقہ کے تجربہ کار بیٹر رسی وین ڈر ڈوسن اور انگلینڈ کے سابق اوپنر ایلکس ہیلز کی ٹیم میں واپسی کی باضابطہ تصدیق کر دی ہے۔
فرنچائز کی جانب سے جاری کردہ اعلامیے میں کہا گیا ہے کہ رسی وین ڈر ڈوسن کی شمولیت ٹیم کے لیے ایک اہم اضافہ ہے۔ اُنہیں جدید دور کے نمایاں بیٹرز میں شمار کیا جاتا ہے، اور ان کی موجودگی نہ صرف ٹیم کی بیٹنگ لائن کو تقویت دے گی بلکہ ٹورنامنٹ کے معیار میں بھی بہتری آئے گی۔دوسری جانب، ایلکس ہیلز—جو اسلام آباد یونائیٹڈ کے مداحوں میں پہلے ہی مقبول ہیں—ایک بار پھر پرجوش انداز میں ٹیم کا حصہ بن گئے ہیں۔
اپنی واپسی پر اظہار خیال کرتے ہوئے ہیلز نے کہا:اسلام آباد یونائیٹڈ ہمیشہ میرے دل کے قریب رہی ہے۔ یہ وہ پہلی پی ایس ایل ٹیم تھی جس کے لیے میں نے پاکستان میں کھیلنے کا اعزاز حاصل کیا، اور مجھے یہاں کے شائقین سے بے پناہ محبت اور سپورٹ ملی۔”
یاد رہے کہ پی ایس ایل 10 کے بقیہ میچز کے لیے ٹکٹوں کی تفصیلات بھی حال ہی میں جاری کر دی گئی ہیں، جس سے شائقین کی دلچسپی میں مزید اضافہ دیکھنے میں آیا ہے۔
سندھ طاس معاہدے پر بھارت کے خطوط کا جواب دے دیا گیا ، پاکستان کا واضح مؤقف