وزیراعلیٰ مریم نواز کا سابق ٹیسٹ کرکٹرمحمد الیاس کے انتقال پر اظہار افسوس

لاہور :وزیراعلیٰ پنجاب مریم نواز نے سابق ٹیسٹ کرکٹر محمد الیاس کے انتقال پر افسوس کا اظہار کیا ہے۔

وزیراعلیٰ مریم نواز نے سوگوار خاندان سے ہمدردی اور تعزیت کا اظہا رکیا ہے،وزیراعلیٰ ے مرحوم کرکٹرمحمد الیاس کی خدمات کو خراج تحسین پیش کیا، محمد الیاس گزشتہ چند روز سے کینسر میں مبتلا تھے اور لاہور کے ایک مقامی اسپتال میں زیر علاج تھےمحمد الیاس دائیں ہاتھ کے بلے باز تھے اور انہوں نے 1964 سے 1969 کے دوران پاکستان کی نمائندگی کرتے ہوئے 10 ٹیسٹ میچز کھیلے، جن میں 441 رنز اسکور کیے فرسٹ کلاس کرکٹ میں انہوں نے 82 میچز میں 4,607 رنز بنا کر اپنی صلاحیتوں کا لوہا منوایا۔

محمد الیاس کے انتقال پر چیئرمین پاکستان کرکٹ بورڈ محسن نقوی نے گہرے دکھ اور افسوس کا اظہار کیا، انہوں نے مرحوم کی کرکٹ کے لیے خدمات کو خراجِ عقیدت پیش کرتے ہوئے سوگوار خاندان سے دلی ہمدردی اور تعزیت کا اظہار کیامحسن نقوی نے اپنے تعزیتی پیغام میں کہا کہ اللہ تعالیٰ مرحوم کی روح کو جوارِ رحمت میں جگہ دے اور اہلِ خانہ کو صبرِ جمیل عطا فرمائے۔