درست دستاویزات رکھنے والے شہریوں کو بلاجواز سفر سے نہ روکا جائے۔لاہور ہائیکورٹ

لاہور ہائیکورٹ نے بیرون ملک سفر کیلئے مطلوبہ فارن کرنسی نہ ہونے پر شہری کو آف لوڈ کیے جانے کیخلاف درخواست نمٹاتے ہوئے ایف آئی اے کو ہدایت کی ہے کہ درست دستاویزات رکھنے والے شہریوں کو بلاجواز سفر سے نہ روکا جائے۔

چیف جسٹس لاہور ہائی کورٹ فاروق حیدر نے کہا کہ عالمی قوانین کے مطابق بیرون ملک سفر کیلئے ایک ہزار ڈالر ہونے چاہئیں، جعلی دستاویزت پر سفر کرنیوالے ملک کی بدنامی کا باعث بنتے ہیں۔اسسٹنٹ اٹارنی جنرل نے کہا کہ آف لوڈ کرتے وقت شہری کو تحریری وجوہات فراہم کی جاتی ہیں۔ ڈائریکٹر ایف آئی اے کا کہنا تھا کہ بیرون ملک سفر کیلئے یومیہ 100 ڈالر کے حساب سے رقم ہونی چاہئے۔ عدالت نے ریمارکس دیئے کہ اگر 4 ماہ کا ویزہ ہے تو پھر اس کے پاس 12000 ڈالر ہونے چاہئیں، درست دستاویزات رکھنے والے شہریوں کو بلاجواز سفر سے نہ روکا جائے۔