تھانہ آگوکی کے علاقہ گنجیانوالی میں ذہنی معذور نوجوان پر مبینہ تشدد کی ویڈیو وائرل ،تین ملزمان بہیمانہ تشدد کا نشانہ بناتے رہے
سیالکوٹ تھانہ آگوکی کے علاقے گنجیانوالی میں ایک انسانیت سوز واقعہ سامنے آیا ہے جہاں مبینہ طور پر علاقے کے تین نوجوانوں نے ایک ذہنی معذور شخص کو تشدد کا نشانہ بنایا واقعے کی ویڈیو سوشل میڈیا پر وائرل ہو گئی وائرل ویڈیو میں 27 سالہ شفقت نامی شخص کو ملزمان کے ہاتھوں تشدد کا سامنا کرتے دیکھا جا سکتا ہےمتاثرہ شخص بار بار رحم اور معافی کی اپیل کرتا رہا تاہم ملزمان مبینہ طور پر اس پر تشدد جاری رکھتے رہےواقعے کی ویڈیو منظر عام پر آنے کے بعداہل خانہ کی جانب سے ملزمان کے خلاف سخت قانونی کارروائی کا مطالبہ کیا ہے ذہنی معذور اور بے بس شخص کے ساتھ اس قسم کا رویہ نہ صرف قابل مذمت بلکہ معاشرتی اقدار کے بھی منافی ہے
ترجمان سیالکوٹ پولیس کا کہنا ہے کہ تھانہ اگوکی کے علاقے رائے پور میں 28 سالہ ذہنی معذور شخص شفقت الیاس پر تین کس افراد کے تشدد کرنے کے واقعے کے معاملہ پر 4 روز قبل مقدمہ درج کیا جا چکا ہے، جس میں 2 کس مرکزی ملزمان کو حوالاجات جوڈیشل بھجوایا جا چکا ہے،ترجمان پولیس کے مطابق ایسے واقعات میں ملوث اور قانون کو ہاتھ میں لینے والوں افراد کے خلاف بلاامتیاز کارروائی عمل میں لائی جائے گی۔
رپورٹ مدثر رتو
بیورو چیف باغی ٹی وی سیالکوٹ