راولپنڈی میں پولیس نے طالب علم پر مبینہ تشدد کے الزام میں ایک مدرسے کے استاد کو گرفتار کر لیا ہے۔
پولیس حکام کے مطابق متاثرہ طالب علم کے والد کی مدعیت میں مقدمہ درج کیا گیا، جس میں مؤقف اختیار کیا گیا کہ استاد نے معمولی بات پر بچے کو تشدد کا نشانہ بنایا۔مدعی کے بیان کے مطابق طالب علم کو پھٹی ہوئی ٹوپی پہننے پر پلاسٹک کے پائپ سے مارا گیا، جس کے نتیجے میں بچے کو جسمانی چوٹیں آئیں۔پولیس کا کہنا ہے کہ واقعے کا نوٹس لیتے ہوئے فوری کارروائی کی گئی اور ملزم استاد کو گرفتار کر لیا گیا ہے۔
حکام کے مطابق متاثرہ طالب علم کا طبی معائنہ بھی کرا لیا گیا ہے، جبکہ تشدد اور مبینہ طور پر حبسِ بے جا میں رکھنے کے پہلوؤں پر مزید تفتیش جاری ہے۔پولیس کا کہنا ہے کہ کیس کے تمام پہلوؤں کا جائزہ لے کر قانون کے مطابق کارروائی کی جائے گی۔