امریکا ناقص انٹیلی جنس کی بنیاد پر طویل عرصے سے غلط فیصلے کرتا آ رہا ہے،عباس عراقچی

ایران کے وزیر خارجہ عباس عراقچی نے امریکا پر الزام عائد کیا ہے کہ وہ ناقص انٹیلی جنس اور غلط معلومات کی بنیاد پر طویل عرصے سے غلط فیصلے کرتا آ رہا ہے، جبکہ موجودہ ایران جنگ کے حوالے سے بھی امریکی اندازوں کو ناکام قرار دیا ہے۔

عباس عراقچی نے سوشل میڈیا پلیٹ فارم ایکس پر جاری اپنے بیان میں کہا کہ امریکا نے طویل عرصے سے ناقص انٹیلی جنس کی وجہ سے غلط اندازے لگائے اور فیصلے کیے ہیں، ان کے بقول ایران کے خلاف جنگ کے معاملے میں بھی امریکی اندازے درست ثابت نہیں ہوئے، اب امریکا آبنائے ہرمز کے معاملے میں اس سے بھی بڑی غلطی کر رہا ہے-

انہوں،نےکہاجعلی خبروں سے بھی زیادہ خطرناک جعلی انٹیلی جنس ہوتی ہے اس لیے اس معاملے میں محتاط رہنے کی ضرورت ہےانہوں نے امریکا کو بالواسطہ طور پر خبردار کرتے ہوئے کہا کہ آبنائے ہرمز کے بارے میں غلط معلومات یا غلط اندازوں کی بنیاد پر کیے جانے والے فیصلے صورتحال کو مزید پیچیدہ بنا سکتے ہیں،اللہ سب سے بڑا ہے اور زمین پر موجود ہر طاقت سے بڑا ہے، ہم اللہ ہی پر بھروسا کرتے ہیں۔