ترکیہ کے شہر استنبول کے قریب بحیرۂ مرمرہ میں دو ترک پرچم بردار تجارتی جہاز آپس میں ٹکرا گئے۔
استنبول کے گورنر کے دفتر کے مطابق حادثہ بدھ کی علی الصبح تقریباً 3 بجے ضلع سِلیوری کے ساحل میں پیش آیا ،السُو اور توگبرک امام اوغلو نامی جہاز ساحل سے 18 میل دور ٹکرائے، حادثے میں 10 افراد لاپتہ ہوگئے، جن کے تلاش کےلیے سرچ اینڈ ریسکیو آپریشن جاری ہے السُو نامی جہاز پر 2,999 ٹن انجن آئل لدا ہوا تھا، توگبرک امام اوغلو نامی جہاز پر 4,199 ٹن اسٹیل کوائلز لدی ہوئی تھیں، حادثے کے بعد بحری جہاز توگبرک امام اوغلو سے رابطہ منقطہ ہوگیا ہے۔
حادثے کے فوراً بعد ترک کوسٹ گارڈ کے متعدد بحری جہاز اور ایک ہیلی کاپٹر جائے وقوعہ پر پہنچ گئے اور لاپتا جہاز اور اس کے عملے کی تلاش کے لیے سرچ اینڈ ریسکیو آپریشن شروع کردیا گیا،حکام کے مطابق السو کو بظاہر کوئی نقصان نہیں پہنچا، تاہم تُغبرک امام اوغلو اور اس پر سوار 10 افراد سے رابطہ قائم نہیں ہوسکا۔
لاپتا جہاز ترکی کے بحیرۂ روم میں واقع اسکندرون سے بحیرۂ اسود کی بندرگاہ ایریگلی کی جانب جا رہا تھا، جبکہ دوسرا جہاز کوجالی سے علی آغا کی طرف محو سفر تھا، حکا م کی جانب سے لاپتا عملے کی تلاش جاری ہے ابتدائی اطلاعات کے مطابق لاپتا جہاز کے ممکنہ طور پر ڈوبنے کا خدشہ بھی ظاہر کیا گیا ہےتاہم ریسکیو آپر یشن مکمل ہونے تک اس بارے میں حتمی تصدیق نہیں کی گئی۔