سیالکوٹ،وزیر دفاع خواجہ محمد آصف نے یومِ عاشور کے جلوس کے موقع پر میڈیا سے گفتگوکرتے ہوئے کہا ہے کہ امام حسینؓ کی قربانی حق، صبر اور استقامت کا لازوال پیغام ہے،
خواجہ محمد آصف کا کہنا تھا کہ ایران نے اسرائیل کے خلاف ثابت قدمی کا مظاہرہ کر کے شہدائے کربلا کی سنت کو زندہ کیا،ایرانی قوم کی جرات اور استقامت پوری امت مسلمہ کے لیے باعثِ فخر ہے، پاکستان کے کردار سے امت مسلمہ کے اتحاد کو نئی تقویت ملی،ایران، فلسطین اور لبنان کی قربانیاں رائیگاں نہیں جائیں گی، فلسطینی عوام نے اپنی قربانیوں سے کربلا کی یاد تازہ کر دی،وہ وقت دور نہیں جب فلسطین آزاد ریاست بنے گا،
لبنانی عوام اسرائیلی ظلم و ستم سے نجات حاصل کریں گے، یومِ عاشور ہمیں ازلی و ابدی قربانیوں کی یاد دلاتا ہے، امت مسلمہ کے اتحاد میں مزید مضبوطی وقت کی اہم ضرورت ہے، دعا ہے امت مسلمہ ایک پرچم تلے متحد ہو جائے، دنیا بھر کے مظلوم مسلمانوں کو آزادی اور کامیابی نصیب ہو، اللہ تعالیٰ ہمیں شہدائے کربلا کی سیرت پر عمل کی توفیق عطا فرمائے، جب خطے میں ایک جنگ جاری تھی، ایرانیوں نے سنتِ حسینؓ اور کربلا کے شہدا کی یاد تازہ کر دی ہے،اس جنگ میں پاکستان نے جو کردار ادا کیا، وہ تاریخ میں قیامت تک ہمیشہ یاد رکھا جائے گا، پاکستان نے دونوں ممالک کی صلح کروائی اور پوری امت کے سامنے سرخرو ہوا۔