امریکا میں گرفتار خواتین کا قاسم سلیمانی سے کسی بھی قسم کا کوئی تعلق نہیں،زینب سلیمانی

امریکا میں گرفتار دو خواتین کے حوالے سے سامنے آنے والے دعوؤں پر شہید ایرانی کمانڈر قاسم سلیمانی کی صاحبزادی زینب سلیمانی نے سخت ردعمل دیتے ہوئے کہا ہے کہ گرفتار خواتین کا ان کے خاندان یا شہید کمانڈر سے کسی بھی قسم کا کوئی تعلق نہیں ہے۔

زینب سلیمانی نے امریکی وزارت خارجہ کے دعوے کو جھوٹ قرار دیتے ہوئے کہا کہ یہ بے بنیاد پروپیگنڈا ہے، جس کا مقصد قاسم سلیمانی جیسی شخصیت اور ایرانی قوم کے خلاف عالمی رائے عامہ ہموار کرنا ہےامریکا اس حد تک گر چکا ہے کہ وہ اپنے مقاصد کے حصول کے لیے جھوٹے بیانیے گھڑ رہا ہے، جو نہ صرف افسوسناک بلکہ قابل مذمت بھی ہے۔

امریکا میں قاسم سلیمانی کی بھانجی اور ان کی بیٹی گرفتار

واضح رہے کہ امریکی وزیر خارجہ مارکو روبیو نے حالیہ بیان میں دو خواتین کو قاسم سلیمانی کی بھتیجی اور بیٹی قرار دیتے ہوئے ان پر ایران کی حمایت کا الزام عائد کیا تھاامریکی حکام کی جانب سے ان خواتین کے گرین کارڈ بھی منسوخ کر دیے گئے، جس کے بعد انہیں حراست میں لے لیا گیا، مارکو روبیو کا کہنا تھا کہ حمیدہ سلیما نی افشار اور ان کی بیٹی امریکا کی گرین کارڈ ہولڈر تھیں اور امریکا میں پُر تعیش زندگی گزار رہی تھیں۔

بھارتی جریدے کاحالیہ کشیدہ صورتحال میں پاکستان کی مخلصانہ کوششوں کا اعتراف