اسلام آباد مذاکرات کےلیے آنے وفود اور صحافیوں کے حوالے سے پاکستان نےبڑا فیصلہ کر لیا
نائب وزیراعظم اسحاق ڈار نےٹویٹ کرتے ہوئے کہا کہ پاکستان اسلام آباد مذاکرات 2026 میں شریک تمام مندوبین اور صحافیوں کا خیرمقدم کرے گا،اسلام آباد ٹاکس 2026 کے شرکاء کو ویزا آن ارائیول دینے کا فیصلہ کیا گیا ہے،تمام ایئرلائنز کو بغیر ویزا مسافروں کو بورڈنگ کی اجازت دینے کی ہدایت کی ہے،شرکاء کو پاکستان آمد پر ویزا جاری کیا جائے گا،اسلام آباد ٹاکس کے لیے آنے والوں کو خصوصی سہولتیں فراہم کرنے کا اعلان کیا گیا ہے،ایئرپورٹس پر شرکاء کے لیے خصوصی ڈیسک قائم کر دیے گئے،متعلقہ اداروں کو شرکاء کی مکمل معاونت کی ہدایت کر دی گئی،اسلام آباد ٹاکس 2026 کے لیے سفری پابندیوں میں نرمی کا فیصلہ کیا گیا ہے،پاکستان عالمی مندوبین کے لیے آسان سفری سہولتیں فراہم کرے گا،صحافیوں سمیت غیر ملکی شرکاء کے لیے ویزا پالیسی میں خصوصی رعایت دی گئی ہے،
امریکا ایران جنگ بندی کے بعد پاکستان دنیا کی توجہ کا مرکز بن گیا، پاکستان کی میزبانی میں ایران اور امریکا کے مذاکرات آج اور کل اسلام آباد میں ہوں گے،ذرائع کے مطابق وفود کی سطح پر مذاکرات آج اور اہم مرکزی مرحلہ ہفتے کو ہوگا، امریکی نائب صدر جے ڈی وینس، امریکی مذاکرات کار اسٹیو وٹکوف اور امریکی صدر ڈونلڈ ٹرمپ کے داماد جیرڈ کشنر پاکستان آئیں گے،ایران کی نمائندگی وزیر خارجہ عباس عراقچی اور ایرانی پارلیمنٹ کے اسپیکر باقر قالیباف کریں گے۔
مذاکرات کے سلسلے میں وزیراعظم شہباز شریف نے گزشتہ روز مذاکرات کے مقام کا دورہ کیا جہاں انہوں نے سکیورٹی انتظامات کا جائزہ لیا،علاوہ ازیں وفاقی وزیر داخلہ محسن نقوی سے امریکی ناظم الامور نیٹلی بیکر کی ملاقات ہوئی، محسن نقوی نے کہا امریکی نائب صدر جے ڈی وینس، اسٹیو وٹکوف اور کشنر پاکستان کے خصوصی مہمان ہوں گے۔