ورزش احتیاط سے،ورنہ مردانہ کمزوری بھی ہو سکتی ہے

ایک مضبوط جسم اور بہترین فٹنس ہر مرد کی خواہش ہوتی ہے، لیکن ماہرین نے خبردار کیا ہے کہ جم میں کی جانے والی کچھ عام غلطیاں مردوں کی جنسی صحت کو شدید متاثر کر سکتی ہیں۔ خصوصاً ویٹ لفٹنگ اور سخت ورزش کے دوران جسم کے مخصوص عضلات پر ضرورت سے زیادہ دباؤ مستقبل میں جنسی مسائل، درد اور حتیٰ کہ مردانہ کمزوری کا سبب بن سکتا ہے۔

ماہرین کے مطابق اگرچہ ویٹ ٹریننگ عضلات کو طاقتور بناتی ہے، دماغی صحت بہتر کرتی ہے اور ذیابیطس و دل کی بیماریوں کے خطرات کم کرتی ہے، تاہم بعض ورزشیں جسم کے عضلات کو حد سے زیادہ سخت اور تناؤ کا شکار بنا دیتی ہیں۔یہ عضلات جسم کے نچلے حصے میں موجود ہوتے ہیں اور مثانے، آنتوں اور جنسی اعضاء کو سہارا دیتے ہیں۔ یہی عضلات دیگر بنیادی جسمانی افعال میں اہم کردار ادا کرتے ہیں۔برطانوی پرسنل ٹرینر ٹوبی کنگ نے بتایا کہ اگر یہ عضلات مسلسل دباؤ اور سختی کا شکار رہیں تو خون کی روانی متاثر ہوتی ہے اور اعصاب پر دباؤ پڑتا ہے، جس سے جنسی کارکردگی متاثر ہو سکتی ہے۔ان کے مطابق بہت سے مرد ورزش کے دوران مسلسل جسم کو سخت حالت میں رکھتے ہیں۔ وقت کے ساتھ یہ کیفیت درد کا سبب بن سکتی ہے۔ ماہرین کے مطابق وہ ورزشیں جن میں جسم کو زور سے دبانا پڑتا ہے، زیادہ خطرناک ہو سکتی ہیں، ان ورزشوں کے دوران اکثر لوگ لاشعوری طور پر شرونیی فرش کے پٹھوں کو مسلسل سکیڑتے رہتے ہیں، جس سے وقت کے ساتھ عضلات اپنی قدرتی کارکردگی کھو سکتے ہیں۔ماہرین نے خبردار کیا کہ سائیکلنگ اور ٹرائیتھلون جیسی سرگرمیوں میں طویل وقت تک غلط سیٹ استعمال کرنے سے بھی عضلات پر دباؤ پڑ سکتا ہے، جو جنسی صحت کے لیے نقصان دہ ہے۔ ماہرین کے مطابق ورزش کے دوران غلط سانس لینے کا طریقہ بھی مسئلہ بڑھا دیتی ہے۔اگر کوئی شخص بھاری وزن اٹھاتے وقت صحیح انداز میں سانس نہ لے تو جسم کے اندر پیدا ہونے والا دباؤپیلوک فلور کی طرف منتقل ہو جاتا ہے، جس سے عضلات مزید متاثر ہوتے ہیں۔

ماہرین کا کہنا ہے کہ ورزشیں مکمل طور پر چھوڑنے کی ضرورت نہیں، کیونکہ یہ جسمانی ساخت اور طاقت کے لیے فائدہ مند ہیں۔ تاہم اگر علامات ظاہر ہوں تو ورزش کے طریقہ کار اور شدت کا دوبارہ جائزہ لینا چاہیے۔ماہرین نے چند اہم تجاویز دی ہیں ،ورزش کے دوران صحیح طریقہ اپنائیں،بھاری وزن آہستہ آہستہ بڑھائیں،جسم کو مسلسل تناؤ کی حالت میں نہ رکھیں ،پیلوک فلور اسپیشلسٹ اور فزیوتھراپسٹ اس بات کا تعین کرتے ہیں کہ مسئلہ عضلات کی کمزوری، سختی یا ری لیکسیشن کی خرابی کی وجہ سے ہے۔ ماہرین نے مردوں کو مشورہ دیا ہے کہ اگر ورزش کے بعد جنسی کمزوری یا غیر معمولی علامات محسوس ہوں تو شرمندگی کے بجائے فوری طور پر ماہر ڈاکٹر سے رجوع کریں۔