اقوام متحدہ کے ادارہ برائے پناہ گزین نے بتایا ہے کہ ایران پر امریکہ اور اسرائیل کے حملوں کے بعد بڑی تعداد میں لوگ اپنے گھروں سے بے دخل ہو گئے ہیں۔
ادارے کے مطابق 28 فروری کو حملوں کے آغاز کے بعد اب تک تقریباً 32 لاکھ ایرانی شہری بے گھر ہو چکے ہیں۔ یہ افراد اپنے خاندانوں کے ساتھ اچانک نقل مکانی پر مجبور ہوئے اور ان میں سے کئی لوگ بنیادی سہولیات تک رسائی سے محروم ہو گئے ہیں۔
یو این ایچ سی آر نے سوشل میڈیا پلیٹ فارم ایکس پر جاری بیان میں کہا کہ موجودہ صورتحال انسانی بحران کی شکل اختیار کر سکتی ہے۔ ادارے نے خدشہ ظاہر کیا کہ اگر کشیدگی اسی طرح جاری رہی تو بے گھر ہونے والوں کی تعداد مزید بڑھ سکتی ہے۔
اقوام متحدہ کے مطابق نقل مکانی کرنے والے افراد کو خوراک، صاف پانی، طبی سہولیات اور رہائش جیسی بنیادی ضروریات کی شدید قلت کا سامنا ہو سکتا ہے، جس کے باعث امدادی کارروائیوں کی فوری ضرورت ہے۔
امریکہ اور اسرائیل کے حملوں کے بعد ایران میں 32 لاکھ افراد بے گھر، اقوام متحدہ
