عید کے روز سعودی عرب میں دھماکہ
باغی ٹی وی کی رپورٹ کے مطابق عید کے روز سعودی عرب میں دھماکہ ہوا ہے
سعودی عرب کے مشرقی صوبے کے شہر الخبر میں عید کے روز ایک ریسٹورینٹ میں دھماکہ ہوا ہے، دھماکے کے نتیجے میں ایک شخص کی موت ہوئی ہے جبکہ سات افراد زخمی ہوئے ہیں، دھماکے کی اطلاع پر ریسکیوٹیمیں موقع پر پہنچ گئیں اور زخمیوں کو ہسپتال منتقل کیا
خبر رساں ادارے کے مطابق سعودی عرب میں دھماکہ ریسٹورینٹ میں گیس سلنڈر پھٹنے سے ہوا، دھماکہ اتنا شدید تھا کہ آواز دور دور تک سنائی گئی، دھماکے سے ریسٹورینٹ مکمل طور پر تباہ ہو گیا ہے جبکہ اسکے ساتھ ملحقہ آٹھ دکانوں کو بھی نقصان پہنچا ہے
سعودی عرب کی شہری دفاع کی تنظیم نے ریسٹورینٹ کے ملبے سے زخمیوں کو نکال کر ہسپتال منتقل کیا، دھماکے کے نتیجے میں زخمی ہونے والوں کی حالت خطرے سے باہر ہے تا ہم رضا کاروں کا کہنا ہے کہ ابھی تک ملبہ ہٹا رہے ہیں،