سرگودہاسیکرٹری ڈی آر ٹی اے فاروق حیدر عزیز نے عید کی چھٹیوں میں مسافروں کی جان ومال کے تحفظ اور کرونا ایس او پیز پر عمل درآمد کو یقینی بنانے کیلئے ضلع کی عام شاہرات کے علاوہ چار بس سٹینڈوں پر چھاپوں کے دوران پچاس گاڑیوں کو چیک کیا جن میں سے تین کو تھانوں میں بند کر دیاگیا جبکہ گیارہ کے چالان کئے گئے ۔
سیکرٹری آر ٹی اے نے تین ڈی کلاس او رایک سی کلاس بس سٹینڈ کا دورہ کیا اس موقع پر انہوں نے مسافروں کو تنبیہ کی کہ وہ انسداد کرونا اقدامات کو یقینی بنائیں ماسک کااستعمال کریں جبکہ ٹرانسپورٹروں کو خبر دار کیا کہ وہ ایس او پیز پر عمل درآمد نہ کرنے والے مسافروںکو گاڑیوں میں سوار نہ کرائیں ورنہ ان کے خلاف سخت کارروائی کی جائیگی ۔
٭٭٭٭٭