اوورسیز پاکستانیوں کی جانب سے بھیجی جانے والی رقوم میں کمی

اسٹیٹ بینک آف پاکستان کی جانب سے جاری کردہ تفصیلات کے مطابق جولائی اور اگست کے مہینے میں اوورسیز پاکستانیوں کی جانب سے بھیجی جانے والی رقوم میں 8 فیصد کمی ریکارڈ کی گئی ہے ،
موجودہ مالی سال کے پہلے دو مہینوں میں اوورسیز پاکستانیوں نے کل 1.69 ارب ڈالر کی رقوم پاکستان بھجوائی ہیں جبکہ پچھلے مالی سال کے اسی دورانیے میں اوورسیز پاکستانیوں نے 2.03 ارب ڈالر کی رقم بھجوائی تھیں ، اور پچھلے مالی سال کے اسی دورانیے میں بیرون ملک مقیم پاکستانیوں کی جانب سے بھجوائی جانے والی رقوم میں 33 فیصد کا کل اضافہ دیکھا گیا تھا جس کا گراف اس مالی سال میں کافی نیچے آگیا ہے ،
ایکسچینج کمپنیز ایسوسی ایشنز کے جنرل سیکرٹری ظفر پراچہ کا کہنا ہے کہ اس کمی کی وجہ عید کی بعد ہونے والی چھٹیاں بھی ہو سکتی ہیں لیکن بنیادی وجہ روپے کی گراوٹ ہے ، جس کے سبب اوورسیز پاکستانیوں کے کم رقوم بھیجنے پر بھی زیادہ لوکل کرنسی ملتی ہے اس لیے اوورسیز پاکستانیوں کی طرف سے بھیجی جانے والی رقوم میں کمی دیکھنے میں آئی ہے ،