گومل بازار روڈ پر پولیس کی بکتر بند گاڑی کے قریب دھماکا، 5 اہلکار شہید

خیبرپختونخوا کے ضلع ٹانک میں گومل بازار روڈ پر پولیس کی بکتر بند گاڑی کے قریب ریموٹ کنٹرول بم دھماکے کے نتیجے میں 5 پولیس اہلکار شہید ہوگئے۔
پولیس کے مطابق بکتر بند گاڑی تھانہ گومل سے ٹانک کی جانب روانہ تھی کہ گومل بازار روڈ پر اسے نشانہ بنایا گیا۔ دھماکا اس قدر شدید تھا کہ بکتر بند گاڑی مکمل طور پر تباہ ہوگئی۔
‎پولیس حکام نے بتایا کہ شہید ہونے والوں میں تھانہ گومل کے ایڈیشنل ایس ایچ او اسحاق خان بھی شامل ہیں۔ واقعے کے بعد سیکیورٹی فورسز نے علاقے کو گھیرے میں لے کر شواہد اکٹھے کیے جبکہ سرچ آپریشن بھی شروع کردیا گیا ہے۔
‎واقعے کی تحقیقات جاری ہیں۔