لاہور سمیت پنجاب بھر میں گندم ریٹس میں 700 روپے فی من تک کا اضافہ ہوگیا، دس روز میں 3700 روپے فی من گندم کا ریٹ 4400 روپے ہوگیا۔ لاہور کے متعدد علاقوں میں 10 اور 20 کلو سستے آٹے کا تھیلا نایاب ہوگیا۔
ذرائع کے مطابق راولپنڈی میں گندم فی من 4800 روپے ہوگئی، گوجرانوالہ اور گجرات میں گندم کا فی من ریٹ 4500 روپے ہوگیا، ملتان میں 4450، بہاولپور اور ڈی جی خان میں 4400 روپے جبکہ اسلام آباد میں بھی گندم کا ریٹ فی من 4400 روپے تک پہنچ گیا۔ذرائع کا کہنا ہے کہ لاہور کے متعدد علاقوں میں سستا آٹا نایاب، ہوگیا، 15 کلو آٹے کا تھیلا 1750 روپے میں فروخت ہونے لگا۔مرکزی چیئرمین فلار ملز ایسوسی ایشن کا کہنا ہے کہ گندم کی قلت کے باعث گندم مہنگی کی۔ڈی ڈی فوڈ محکمہ خوراک کا کہان ہے کہ آٹے کی قلت نہیں، بازار میں وافر مقدار میں موجود ہے، 10 اور 20 کلو آٹے کا تھیلا دکانوں پر دستیاب ہے۔