سوات،کھیت میں دھماکا،ایک بچہ جاں بحق ،ایک زخمی

سوات: تحصیل مٹہ کے علاقے اویشہ میں کھیت میں ہونے والے دھماکے کے نتیجے میں 8 سالہ بچہ جاں بحق جبکہ 5 سالہ بچی زخمی ہوگئی۔

ریسکیو حکام کے مطابق واقعہ اس وقت پیش آیا جب بچے کھیت میں کھیل رہے تھے کہ اچانک زور دار دھماکا ہوا، جس کے نتیجے میں ایک بچہ موقع پر ہی جاں بحق ہوگیا جبکہ ایک بچی شدید زخمی ہوگئی۔اطلاع ملتے ہی ریسکیو 1122 کی ٹیمیں فوری طور پر موقع پر پہنچ گئیں، جاں بحق بچے کی لاش اور زخمی بچی کو ابتدائی طبی امداد فراہم کرنے کے بعد قریبی اسپتال منتقل کردیا گیا۔ اسپتال ذرائع کے مطابق زخمی بچی کی حالت تشویشناک بتائی جا رہی ہے۔

ریسکیو حکام کا کہنا ہے کہ ابتدائی تحقیقات کے مطابق دھماکے کی نوعیت کا تعین کیا جا رہا ہے، تاہم شبہ ظاہر کیا جا رہا ہے کہ دھماکا کسی پرانے بارودی مواد کے پھٹنے سے ہوا ہو سکتا ہے۔ پولیس نے بھی واقعے کی تحقیقات شروع کردی ہیں اور علاقے کو گھیرے میں لے کر شواہد اکٹھے کیے جا رہے ہیں۔