ذرائع سے دعویٰ سامنے آیا ہے کہ ایران کے حساس اور دفاعی نوعیت کے سسٹمز کو مبینہ طور پر امریکی خفیہ ادارے سی آئی اے اور اسرائیلی انٹیلی جنس ایجنسی موساد کے ہیکرز نے نشانہ بنایا ہے۔
اطلاعات کے مطابق اس مبینہ سائبر حملے کے نتیجے میں ایران کے اندرونی ڈیجیٹل نیٹ ورکس تک رسائی حاصل کر لی گئی ہے، جس کے باعث امریکا اور اسرائیل کو ایران سے متعلق حساس معلومات کی براہِ راست اپڈیٹس موصول ہونے کا دعویٰ کیا جا رہا ہے۔ ماہرینِ سائبر سکیورٹی کا کہنا ہے کہ جدید دور میں ریاستی سطح کے سائبر حملے عالمی سیاست اور سیکیورٹی کے منظرنامے کا اہم حصہ بن چکے ہیں، تاہم اس نوعیت کے دعوؤں کی آزاد ذرائع سے تصدیق انتہائی ضروری ہوتی ہے۔