ایران کی پاسدارانِ انقلاب نے دعویٰ کیا ہے کہ اس نے اسرائیلی وزیراعظم نیتن یاہو کے دفتر کو میزائل حملے میں نشانہ بنایا ہے۔
ترجمان پاسدارانِ انقلاب کے مطابق یہ حملہ آج صبح کیا گیا۔ انہوں نے کہا کہ نیتن یاہو کی موجودہ حالت کے بارے میں کوئی معلومات نہیں ہیں۔ ترجمان کا مزید کہنا تھا کہ اسرائیلی ایئرفورس کے کمانڈ سینٹر پر بھی میزائل داغے گئے۔
دوسری جانب اسرائیلی وزارتِ صحت کے ترجمان کے مطابق ایرانی حملوں کے نتیجے میں ملک بھر میں سیکڑوں افراد زخمی ہوئے ہیں۔
وزارتِ صحت کے اعداد و شمار کے مطابق 777 افراد زخمی ہوئے، جن میں سے 88 شدید زخمی مختلف اسپتالوں میں زیر علاج ہیں جبکہ 4 افراد کی حالت تشویشناک بتائی گئی ہے۔ گزشتہ روز اسرائیل کے علاقے بیت شیمش میں میزائل گرنے سے 9 افراد ہلاک ہوئے تھے۔
پاسدارانِ انقلاب کا نیتن یاہو کے دفتر پر میزائل حملے کا دعویٰ، اسرائیل میں سیکڑوں زخمی
